MGA MAIKLING KWENTONG ISINULAT NI E.L. MINELL
"May katotohanan sa mga kathang isip at kathang isip sa mga katotohanan."
E.L. Minell
Ito ay mga kwentong naaayon sa aking sariling interpretasyon sa pagkatha ng modernong pamamaraan sa paglalahad ng damdamin ng tao. Isinasalaysay dito ang mga buhay ng mga pangunahing tauhan sa iba't ibang panahon. Inyong mapapansin na may kahabaan ang mga kwentong ito at salungat sa istilo't pamamaraan ng mga tradisyunal na pagsulat ng maikling kwento. Akin na kayong pangungunahan; ang mga kwentong ito'y hindi maaaring gamitin sa iskwela o sa ano mang babasahing pampubliko sapagkat may mga sensitibong laman ito na hindi tumutugma sa pangkaraniwang uri ng mga maikling kwento sa kasaysayan. Walang malalim na pinagmulang inspirasyon para sa mga kathang ito kundi ang aking mga panaginip at mga kathang isip. Kakaunti at maliliit na bagay lamang ang galing sa aking tunay na buhay. Ang mga narito sa listahan ay mga naunang kwentong aking nilathala at akin pa itong aayusin at daragdagan sa pagtakbo ng panahon.
